Pormal nang giturn-over sa Guintigui-an Solar Pump Irrigators Association sa National Irrigation Administration (NIA) ang Guintigui-an Solar Pump Irrigation System Project niadtong nakalabay nga adlaw.
Ang maong proyekto nga nagkantidad og ₱70 milyones, gipondohan pinaagi sa Establishment of Pump Irrigation Project (EPIP) Fund ug gitumong sa pagpalambo sa sistema sa irigasyon sa maong lugar.
Gilauman nga mapahimuslan sa proyekto ang 87 ka mga mag-uuma nga miyembro sa asosasyon, nga gilangkoban sa 34 ka lalaki ug 53 ka babaye, ug makasuporta sa pagpatubig sa 70 ka ektaryang umahan.
Mitambong sa seremonyas sa turnover si NIA Region VIII Regional Manager Engr. Jaime De Jesus; Engineering and Operation Division Manager Engr. Jojo Arceño; BLNLS/IMO Manager Engr. Georden Lemsie; NIA-Bao River Irrigation System (Valencia) Irrigators Development Officer Rosalia C. Borneo; ug Guintigui-an Solar Pump Irrigation Association President Edgardo Miaga.
Pinaagi sa maong proyekto, gilauman nga mapalambo ang pagpatubig sa mga umahan ug matabangan ang mga mag-uuma sa pagpadayon sa ilang produksiyon sa agrikultura.
Phoro courtesy: City Government of Ormoc
