Nalutsan sa laing warrant of arrest ang usa ka 35-anyos nga piniriso nga wanted sa kasong murder o pagpatay sa hiniusang pwersa sa kapulisan sa pagpanguna sa Kapatagan Municipal Police Station, sa koordinasyon sa Sultan Naga Dimaporo MPS, Provincial Intelligence Unit, Regional Intelligence Division 10, RDT LDN RIDMD 10, 2nd Provincial Mobile Force Company ug 1005th Maneuver Company sa Regional Mobile Force Battalion 10 sa may alas-6 sa gabii niadtong Oktubre 13, 2026 sa Barangay Lower Sagadan, Baroy, Lanao del Norte
Giila ang suspek nga si alyas “Ian,”35 anyos, ulitawo ug residente sa Barangay Mahayahay, Kapatagan, sakop ning probinsya.
Subay sa report, ang suspek nalutsan sa warrant of arrest tungod sa kasong pagpatay o Murder samtang anaa kini sa Bureau of Jail Management and Penology o BJMP Lanao del Norte District Jail.
Ang maong warrant of arrest gipagawas ni Jihan Gift C. Gonzaga-Morong, presiding judge sa Regional Trial Court o RTC Branch 21 sa Kapatagan, niadtong Oktubre 12, 2026, ubos sa Criminal Case Number 21-6516. Sa pagkakaron, nagpabilin sa kustodiya sa BJMP ang suspek samtang naghulat sa sunod nga proseso sa balaod.
Photo Courtesy: PNP Lanao del Norte
