Gisapubliko karon sa Iligan City Police Office o ICPO ubos sa pagpangulo ni PLTCOL Melfin Ian Burlat, Officer-in-Charge sa ICPO, ang semana nga operasyon kalabot sa mga wanted ug nadakpan sa buy-bust operation niadtong Oktubre 5 hangtud sa petsa 11 ning tuiga 2026.
Subay sa report,17 ka indibidwal ang nadakpan sa nagkadaiyang operasyon batok sa ilegal nga droga, usa ang giila nga high-value individual o HVI, samtang 16 ang street-level individuals o SLI nga nadakpan pinaagi sa buy-bust operations, pagpatuman sa mga warrant of arrest ug search warrant, ug mga kaso nga nadiskobrehan samtang anaa sa aktong pagpatuman sa balaod o in plain view.
Dugang niini, laing 11 ka indibidwal nga adunay mga warrant of arrest ang nadakpan sa nagkadaiyang operasyon sa kapulisan. Ang maong kalampusan kabahin sa padayong kampanya sa ICPO batok sa ilegal nga droga ug sa pagdakop sa mga wanted persons.
Photo Courtesy: ICPO
