Nadakpan sa kapulisan ang usa ka Top 4 Regional Most Wanted Person sa Purok Old Pag-asa, Barangay Caloocan, Koronadal City, South Cotabato, pinaagi sa pagpatuman sa warrant of arrest niadtong nakalabay nga adlaw.
Giila ang dinakpan sa Alyas nga Romy ,hamtong ang pangidaron ug residente sa nasampit nga lugar. Ang operasyon gipahigayon sa mga personnel sa 1205th Maneuver Company sa Regional Mobile Force Battalion 12 o RMFB 12, ubos sa pagpangulo ni PCPT Leon P. Siringan Jr., Officer-in-Charge, ug sa Force Commander nga si PCOL Samuel T. Cadungon.
Ang warrant of arrest batok sa suspek may kalabotan sa paglapas sa Article 266-A, paragraph 2 sa Revised Penal Code, (Rape pinaagi sa Sexual Assault) in relation to Section 5(b) sa Republic Act No. 7610 o Special Protection of Children Against Abuse, Exploitation and Discrimination Act.
Gikoordinar ang operasyon sa Koronadal City Police Station, PIT South Cotabato–RIU 12, CIDG South Cotabato PFU ug SCPIU.
Malinawon nga nadakpan ang suspek, gipahibalo sa iyang mga katungod sa konstitusyon ug gitugyan sa Koronadal City Police Station alang sa hustong disposisyon.
Photo courtesy: RMFB 12
