Andam karon ang Rockport Power Inc. sa pagpalapad sa ilang serbisyo sa merkado sa kuryente sa Pilipinas human makadawat og bag-ong lisensiya nga balido sulod sa lima ka tuig.
Matod ni Rockport Power President Marvee Espejo, magpadayon ang ilang kompanya sa paghatag og praktikal nga mga solusyon sa enerhiya, lakip ang paggamit sa renewable ug conventional energy sources.
Pinaagi niini, makapadayon ang kompanya sa pagserbisyo sa mga kwalipikadong konsumidor nga gustong mopili sa ilang kaugalingong supplier sa kuryente.
Lauman nga ang pagpaubos sa minimum nga konsumo gikan sa 500 ngadto sa 100 kilowatts makatugot sa mas daghang kwalipikadong negosyo nga makapili og laing supplier sa kuryente.
Photo courtesy: Power Philippines
