Ipatuman sa Iligan City Traffic and Parking Management Office o ICTPMO ang mga lakang o polisiya sa trapiko alang sa Undas 2026, ilabina sa mga motorista nga mobisita sa Pryce Gardens gikan Oktubre 31 hangtod Nobyembre 3, 2026.
Tungod niini, magbutang ang ICTPMO og mga timailhan sa trapiko sa national highway duol sa Eastlone ug St. Peter’s Chapel sa Valderama, Barangay Sta. Filomena, ingon man mga bollard ug timailhan sa exit area sa Pryce Gardens sa may Pandan aron magiya sa mga motorista.
Sumala pa sa ICTPMO nga ang mga sakyanan padulong sa Cagayan de Oro City kinahanglan mosubay sa wala nga bahin sa lane, samtang ang mga padulong sa Pryce Gardens mogamit sa tuo nga bahin aron sayon nga makasulod sa sementeryo.
Alayon niini, adunbay e pang deploy nga mga personahe sa ICTPMO ug Iligan City Police Office o ICPO sa maong mga dapit aron motabang sa paggiya ug pagpadagan sa trapiko.
