Lima na lang ka puntos ang kulang ni June Mar Fajardo aron maabot ang 10,000 career points sa Philippine Basketball Association (PBA). Kini human nakapuntos ang nine-time PBA Most Valuable Player og 25 puntos sa pagdaog sa San Miguel Beermen batok sa Terrafirma niadtong Miyerkules sa Governors’ Cup.
Gilauman nga makab-ot ni Fajardo ang maong milestone sa ilang sunod nga dula batok sa NLEX sa Oktubre 21. Kon makab-ot niya kini, mahimong ika-18 nga lokal nga magdudula ug ika-19 sa kinatibuk-an nga makaabot sa 10,000-point mark, lakip ang mga import.
Matud ni Fajardo, wala niya gukda ang maong rekord, apan dako alang kaniya nga kadungganan ang mahimong kabahin sa 10,000-point club. Wala na niya ipadayon ang pagduwa sa fourth quarter batok sa Terrafirma aron mahatagan og dugang playing time ang iyang mga kauban.
Photo courtesy:Fastbreak
