Nakakuha og puwesto ang Philippine Under-17 Women’s Football Team sa 2027 Asian Cup human nila mapildi ang Bangladesh, 3-0, sa ilang dula niadtong Oktubre 11. Gipahigayon ang dula sa Do’stlik Stadium sa Tashkent, Uzbekistan, diin wala pay nakapuntos sa duha ka koponan sa unang bahin sa dula.
Apan sa ikaduhang bahin, si Maya Bascara maoy unang nakapuntos alang sa Filipinas, 20 minutos human magsugod ang second half. Nagpadayon ang maayong depensa sa Filipinas aron pugngan ang Bangladesh.
Sa kataposang mga minuto sa duLa, si Noelle Granger nakadugang og duha ka puntos, una sa 90 minutos ug gisundan pag-usab sa 91 minutos. Tungod niini, nakadaog ang Pilipinas sa score nga 3-0 ug nakasiguro sa pag-apil sa 2027 AFC Under-17 Women’s Asian Cup.
Dakong lakang kini alang sa mga batan-ong Filipina football players nga magrepresentar sa nasud sa sunod nga tournament sa Asya.
Photo courtesy: DAILY MOTION
