Gipildi sa TNT Tropang 5G ang San Miguel Beermen sa iskor nga 116-98 sa ilang panag-atubang sa PBA Season 50 Governors’ Cup niadtong Sabado, Oktubre 10 sa Ynares Center sa Antipolo City.
Human sa dikit nga unang bahin sa duwa mikusog ang TNT sa ikaduhang bahin pinaagi sa sunod-sunod nga tres nga nakatabang sa pagpalayo sa ilang labaw sa iskor.
Nanguna sa TNT si import Nick Hornsby nga nakakuha og 23 puntos, unom ka rebounds ug upat ka assists.Mitampo si Roger Pogoy og 21 puntos samtang si Calvin Oftana nakadugang og 18 puntos aron masiguro ang kadaugan sa Tropang 5G.
Pinaagi sa maong kadaugan nakuha sa TNT ang ilang ikaunom nga daog sa napulo ka duwa sa Group A samtang ang San Miguel, nga adunay pito ka daog ug tulo ka kapildihan nakasiguro na usab sa ilang pwesto sa quarterfinals.
Photo courtesy: TNT TROPANG 5G/FB
