Gikumpirma sa Malacañang nga motambong si United States President Donald Trump sa Association of Southeast Asian Nations (ASEAN) Summit nga ipahigayon sa Maynila karong Nobyembre.
Matud ni Palace Press Officer Claire Castro, kumpirmado na ang pagbisita ni Trump, apan wala pa niya gibutyag ang dugang detalye kabahin sa maong pag-abot. Gideklarar ni President Ferdinand Marcos Jr. ang Nobyembre 16 hangtod 18 isip special non-working days sa National Capital Region alang sa ika-49 nga ASEAN Summit ug mga may kalabotang tigom.
Katapusang mibisita si Trump sa Pilipinas niadtong Nobyembre 2017, atol sa ika-31 nga ASEAN Summit, sa iyang unang termino isip presidente sa US.
Photo courtesy: Biography
