Nasikop sa mga kapulisan ang usa ka 21-anyos nga lalaki nga giilang si alyas “Nelson,” walay trabaho ug residente sa Barangay Guindapunan, Palo, Leyte, gidakop human makit-an sa iyang bag ang usa ka armas ug ang gidudahang shabu atol sa gipahigayong checkpoint operation sa mga kapilusan sa Palo Municipal Police Station didto Barangay Arado, Palo, Leyte niadtong Oktubre 15, 2026.
Sa operasyon, narekober gikan kaniya ang duha ka pakete sa gidudahang shabu nga may gibug-aton nga gibana-banang 6.7 gramos ug gibanabanang kantidad nga 45,560 pesos. Nakumpiskar usab ang usa ka kalibre .45 nga armas, usa ka magasin, lima ka bala, kwarta ug usa ka sling bag.
Sa pagkakaron ang suspetsado ug ang mga nakumpiskar nga ebidensiya ana na sa kustodiya sa kapulisan alang sa dokumentasyon. Gipasa na usab sa Regional Forensic Unit 8 ang gidudahang ilegal nga droga alang sa chemical analysis ug ang armas alang sa ballistic examination. Nag-andam na ang kapulisan sa tukmang mga kaso batok sa suspek tungod sa posibleng paglapas sa Republic Act 10591 o Comprehensive Firearms and Ammunition Regulation Act ug Republic Act 9165 o Comprehensive Dangerous Drugs Act of 2002.
Photo courtesy: LPPO
