Boluntaryong gitugyan sa usa ka lalaki nga giilang si alyas “Rey,” 38 anyos, ulitawo, usa ka drayber ug residente sa Barangay Don Felipe Larrazabal, Ormoc City ngadto sa kapulisan ang us aka dili rehistradong armas didto Ormoc City Police station 4 sa Barangay Linao, Ormoc City, pasado alas 2:25 sa hapon, kagahapong adlawa.
Sumala sa mga kapulisan, personal nga mitungha ang lalaki sa estasyon sa kapulisan aron itugyan ang usa ka Smith & Wesson revolver nga kalibre .357 Magnum nga walay bala.
Sa pagkakaron, anaa na sa kustodiya sa Ormoc CPS4 ang maong armas alang sa luwas nga pagtipig ug hustong disposisyon.
Gipasalig usab sa Ormoc CPS4 ang padayong paningkamot sa pagpugong sa krimen, pagmintinar sa kalinaw ug kahusay, ug pagpalig-on sa seguridad sa komunidad pinaagi sa pagdasig sa publiko nga boluntaryong motugyan ug magpatuman sa hustong pagdokumento sa mga armas.
Photo Courtesy: OCPS 4
