Gipahigayon sa Lokal nga Gobyerno sa Leyte, pinaagi sa Municipal Social Welfare and Development Office o MSWDO, ang pag-apod-apod sa ikaduhang hugna sa pinansyal nga tabang ubos sa Unified Package for Livelihoods, Industry, Food, and Transport o UPLIFT Program sa Department of Social Welfare and Development o DSWD.
Ang matag kwalipikadong benepisyaryo nakadawat og duha ka libong pesos nga ayuda aron makatabang sa ilang mga panginahanglanon ug pagpagaan sa ilang pinansyal nga kabug-at.
Pinaagi sa paningkamot sa mga kawani sa MSWDO, padayon nga gipalig-on sa lokal nga panggamhanan ang paghatod sa mga programa sa social welfare aron masiguro nga maabot sa mga kwalipikadong benepisyaryo ang gitakdang tabang.
Nagpadayon usab ang LGU Leyte sa pagpalambo sa kaayohan sa katawhan pinaagi sa paghatag og mga serbisyo publiko nga dali ma-access ug motubag sa ilang mga panginahanglanon.
