Lima ka tawo ang gikatahong nawala human sa kalit nga pagbaha sa distrito sa Gorkha, amihanang Nepal, tungod sa pagbulwak sa tubig ug mga tinumpag gikan sa sapa sa Syarkhola.
Gituohang nabara sa mga tinumpag sa pagdahili sa yuta ang sapa sa Ungilung, nga miresulta sa kusog nga pagdagayday sa tubig ug mga bato. Gibanabana nga 45 ka balay ang partially damage ug 27 ang totally damage.
Naapektuhan usab ang mga taytayan, mga proyekto sa hydroelectric power ug mga backyard farming. Nagpadala ang Nepali Army og mga helikopter aron luwason ang mga tawo, diin 95 ang gidala ngadto sa luwas nga dapit.
Ang lima ka nawala gikatahong anaa sa sapa og nagpasibsib sa mga binuhing karnero atol sa maong panghitabo. Nagpadayon ang pagpangita kanila, apan nakapasamot og kalisod sa operasyon ang aktibo nga pagdahili sa yuta ug pagkaguba sa mga agianan padulong sa mga apektadong komunidad.
Photo Courtesy: Reuters
