Gipanghimakak ni Cebu City Mayor Nestor Archival ang mga pasangil nga “delikado” o “unsafe” ang Cebu City Medical Center (CCMC).
Matud ni Archival, lig-on ang structural integrity sa tambalanan base sa mga gihimong engineering assessment, dungan sa pag-review sa kagamhanan sa dakbayan sa mga nareport nga depekto sa electrical ug uban pang building systems.
Giklaro usab sa mayor nga naggikan ang kabalaka human nangayo ang duha ka konsehal sa dinalian nga technical assessment ug repair plan tungod sa mga depekto sa electrical, mechanical, plumbing, ug fire protection systems sa CCMC.
Gidugang usab ni Archival, ang nagpadayon nga konstruksyon ug pagkompleto sa CCMC wala nagpasabot nga delikado na ang kasamtangang istruktura.
Photo Courtesy: Cebu in focus
