Upat ka mga lalaki ang gidakop human sila nasakpang nagpahigayon og giingong ilegal nga pagpangisda sa kadagatan sa Barangay Atop-atop, Bantayan. Ang maong operasyon miresulta sa pagkakumpiska sa usa ka berdeng motorized fishing boat nga wa’y marka nga nagkantidad og ₱38,000, 12-horsepower nga Kama diesel engine nga nagkantidad og ₱12,000, silicone fishing hose nga may gitas-on nga 20 ka metros nga nagkantidad og ₱2,000 ug Lima ka kilo nga nagkalain-laing isda nga nagkantidad og ₱300.
Moabot ngadto sa ₱52,300 ang kinatibuk-ang gibanabanang kantidad sa nasakmit nga baroto, makina, mga kahimanan sa panagat, ug mga isda.
Gitugyan na ang upat ka mga dinakpan ngadto sa Bantayan Municipal Police Station mga alas 11:20 sa gabii ug kasamtangan silang nagtingkagol sa custodial facility sa maong estasyon samtang giandam ang pagpasaka og tukmang kaso batok kanila.
Photo Courtesy: PNP Cebu Police Provincial Office
