Nabaligya sa kantidad nga 14 million US dollars ang jersey nga gisul-ob ni NBA legend Michael Jordan atol sa Game 2 sa 1998 NBA Finals tali sa Chicago Bulls ug Utah Jazz.
Sumala sa Hunt Auctions, gipalit ang maong jersey ni Miami real estate investor Ron Firman pinaagi sa pribadong transaksyon. Kini ang labing mahal nga basketball memorabilia nga nabaligya sa kasaysayan, sumala sa auction house.
Ang maong jersey gisul-ob ni Jordan niadtong Hunyo 5, 1998, diin nakaiskor siya og 37 puntos ug mitabang sa Chicago Bulls nga mapildi ang Utah Jazz, 93-88. Nahuman ang maong NBA Finals sa ikaunom ug kataposang kampiyonato ni Jordan isip magdudula sa Chicago Bulls.
Photo courtesy: NY Post
