Nakapatingala sa mga residente sa St. Petersburg, Russia ang pagkakita sa daw upat ka moon nga dungan nga nagdan-ag sa kalangitan niadtong Pebrero 1, 2026. Ang talagsaong panghitabo nakuha sa mga litrato ug video nga nakadani sa atensyon sa publiko.
Apan gipatin-aw nga dili tinuod nga adunay upat ka moon, tungod kay usa lamang kini ka panghitabo sa atmospera nga gitawag og paraselene o moon dog.
Mahitabo kini kung ang kahayag sa bulan moagi sa gagmayng kristal sa yelo nga anaa sa kahitas-an sa atmospera, hinungdan nga adunay dugang kahayag nga susama sa bulan.
Giklaro nga usa lamang ang tinuod nga bulan ug ang ubang nakita resulta lamang sa ilusyon sa kahayag.
Photo courtesy: Orbital Insights
