Andam na ang sikat nga Filipino gymnast nga si Carlos Yulo alang sa 2026 FIG World Artistic Gymnastics Championships nga ipahigayon sa Rotterdam, Netherlands — diin siya mahimong flag bearer sa nasud.
Kuyogan siya sa iyang igsoon nga si Karl Eldrew Yulo sa torneyo nga magsugod karong Oktubre 17 hangtod 25. Ang duha moapil sa men’s individual all-around event. Kauban usab sa koponan sa Pilipinas sila Juancho Miguel Besana ug Haylee Garcia, nga moapil sa ilang kaugalingong mga kalihokan.
Bag-ohay lang nakadaog si Carlos og duha ka bulawang medalya — sa floor exercise ug vault — sa Asian Games sa Aichi-Nagoya, Japan. Ang tibuok koponan sa Pilipinas karon nag-ensayo sa Antibes, France, isip katapusang pagpangandam.
Matod ni Carlos, ang Asian Games nahimong bahin sa iyang pag-andam para sa World Championships, ug malipayon siya nga hapit na mahuman ang ilang training camp. Sa laing bahin, si Karl Eldrew masaligon nga makasulod sa podium human makadaog og bronze medal sa maong kompetisyon.
Photo courtesy: Peoples Asia
