Gipaabot nga ipaila sa Apple ang bag-ong mga smart home devices nga adunay mas abanteng artificial intelligence o AI, lakip ang gi-upgrade nga Siri virtual assistant.
Usa sa mga gipaabot nga produkto mao ang device nga susama sa iPad, nga mahimong ibutang sa bungbong o ibabaw sa lamesa aron makontrol ang mga smart doorbell, thermostat ug electronic door locks. Posible usab nga adunay bag-ong bersyon sa HomePod smart speaker ug Apple TV.
Ang maong lakang kabahin sa paningkamot sa Apple nga mapalig-on ang posisyon niini sa merkado taliwala sa kompetisyon gikan sa Amazon ug ubang kompanya sa teknolohiya. Gilauman nga makatabang ang bag-ong mga produkto sa pagpalapad sa negosyo sa Apple sa smart home technology.
Photo courtesy: Mashable
