Nagplano ang Globe Telecom Inc. nga himuong sunod nga bilyon-dolyar nga negosyo ang ilang data-center venture pinaagi sa pagsakay sa boom sa artificial intelligence (AI), samtang ang ilang fintech arm nga Mynt Inc. padulong na usab sa usa ka rekord nga initial public offering sa Pilipinas.
Matod pa sa Presidente ug Chief Executive Officer nga si Carl Raymond Cruz, giplano sa kompanya nga mogasto og labing minus $1 bilyon sa 2027 aron palapdan ang ilang negosyo sa data.
Gipasabot ni Cruz nga bisan pa og padayon ang ilang paggasto sa network, himuon kini sa pinili ug giunang mga lugar nga konektado sa digital economy, ilabi na nga ang AI ang nagpadagan sa panginahanglan sa computing capacity sa tibuok Asya. Pinaagi sa ilang venture nga ST Telemedia Global Data Centres Philippines, gipunting nila nga padak-on ang kapasidad gikan sa 30 ngadto sa 35 megawatts karong pagtapos sa 2026, ug moabot pa kini sa 124 MW sa sunod nga tulo ka tuig.
Giklaro usab sa kompanya nga usa sa mga ginapilian nila aron pondohan ang pagpalapad sa paglista sa venture sa merkado, samtang giingong nahimong destinasyon ang Pilipinas sa mga data-center customers tungod sa limitasyon sa kapasidad sa ubang nasud sama sa Thailand, Singapore, ug Malaysia. Bisan pa niini, gipahinumdoman sa mga eksperto nga kinahanglan gamiton sa nasud ang ilang mga undersea cable links ug maseguro ang suplay sa kuryente ug yuta aron masiguro ang kadaugan sa dagkong cloud projects.
Photo courtesy: Light Reading
