Gibutyag ni Senador Panfilo Lacson nga daw sobra ka-focus ang defense team ni Vice President Sara Duterte sa teknikal ug gagmay nga detalye atol sa impeachment trial.
Matod ni Lacson, posible nga tumong sa maong estratehiya ang pagmugna og pagduhaduha aron ipakita nga kinahanglan mapamatud-an ang kaso beyond reasonable doubt, sama sa mga kasong kriminal.
Gipamahayag kini ni Lacson human sa cross-examination ni defense counsel CJ Narvasa kang PhilGEPS Division Chief Rendell Sopeña, saksi alang sa Article II sa impeachment complaint.
Lakip sa gipangutana ni Narvasa ang proseso sa bidding, apan gisupak kini sa House lead prosecutor nga si Gerville Luistro. Matod ni Luistro, repository lamang sa government contracts ang PhilGEPS ug walay mandato sa pagdumala sa bidding process.
Gihatagan pg gibug-aton ni Lacson nga dili kini pre-judgment ug posible pang mausab sa depensa ang ilang estratehiya. Matod niya, ang sobra nga pagtutok sa gagmay ug teknikal nga isyu daw dili epektibo sa pipila ka senador-judge.
Photo Courtesy: Batas PH
