Hugtanong gibarugan ni Argao Municipal Mayor Allan Sesaldo ang iyang hugot nga suporta sa mga paningkamot alang sa pagpalambo sa agrikultura sa iyang lungsod.
Sumala kang Sesaldo nga 100% ang iyang paningkamot aron magmalambuon ang panguma sa Argao sanglit mao kini ang tinubdan sa pagkaon ug naghatag kaugmaon sa katawhan sa lungsod.
Nagtuo usab ang mayor nga kon ayuhon pagtagad ang agrikultura, lakip usab ang tibuok probinsya sa Sugbo ang mabulahan sa mga pagkaon nga ilang tinanom.
Nasayrang atol sa pagsaulog sa kapistahan sa Argao kagahapong adlawa, gibida ang mga preskong abot ug nagkadaiyang produkto nga direkta gikan sa mga mag-uuma, isip kabahin sa ilang hingpit nga suporta sa sektor sa agrikultura.
Photo Courtesy: Mayor Allan Sesaldo/Fb Page
