Giklaro ni Rovelyn Baterbonia ang bahin sa ₱30 entrance fee nga gikolekta sa mga mobisita sa mini museum nga adunay mga memorabilia sa iyang anak nga si Rene Baterbonia.
Si Rene, 18-anyos nga basketball player sa Ateneo de Manila University, namatay niadtong Hunyo 8, 2026 human malumos sa kadagatan sa Dipaculao, Aurora.
Sukad niadto, mas nahimong aktibo si Rovelyn sa social media ug miabot na sa 1.7 milyon ang iyang Facebook followers. Apan uban sa iyang pagkapopular, misunod usab ang mga kritisismo, lakip ang alegasyon nga ginakomersyal niya ang pagkamatay sa iyang anak.
Usa sa gikuwestiyon mao ang ₱30 entrance fee sa Baterbonia Collections. Sa iyang pagpatin-aw, giangkon ni Rovelyn nga adunay ₱30 nga bayad, apan dili kini para sa tindahan. Matod niya, ang bayad para sa mini museum ni Rene ug sa pagmentinar niini.
Padayon usab si Rovelyn sa pagpaambit sa mga handumanan ni Rene isip paagi sa pagpreserbar sa iyang panumduman.
Photo courtesy: Pep.ph
