Gisita ni Senate President ug Presiding Officer Chiz Escudero si Manila’s 6th District Representative Benny Abante human namatikdan nga nakatulog kini atol sa impeachment trial ni Bise Presidente Sara Duterte sa Senado kagahapong adlawa, Setyembre 28, 2026.
Atol sa proceedings, nakita ni Escudero ang kahimtang ni Abante nga nahiwi na ang ulo niini ug sa walay panglangan iyang kining gisita.
Gani, gipatin-aw usab sa kauban ni Abante nga si Lead House Public Prosecutor Gerville Luistro nga posible nga nag-ampo lamang ang kongresista alang sa prosecution. Apan mitubag usab si Escudero nga nagduha-duha siya kung nag-ampo ba kini o natulog.
Kahibaloan nga nagpadayon ang impeachment trial ni Bise Presidente Sara Duterte sa Senado, diin gipresentar ug gihisgutan ang mga isyu nga nalambigit sa impeachment case batok kaniya.
Photo courtesy: Senate
