Napahigayon sa Probinsya sa Davao de Oro ang World Rabies Day sa Capitol Grounds, Barangay Cabidianan, Nabunturan, 2026 niadtong Septyembre 28,2026. Tumong niinin aron ipataas ang kahibalo sa publiko kabahin sa rabies ug pagpugong sa pagkaylap niini.
Sumala ni Dr. Wilfredo C. Lindong Jr., Veterinarian IV ug Acting Provincial Assistant Department Head, kinahanglan nga dili lang sa maong kalihokan hinumduman ang rabies, kondili himuong adlaw-adlaw nga praktis ang pagpugong niini pinaagi sa pagbakuna ug kooperasyon sa katawhan.
Dugang pa ni Lindong, dili lang iro ug iring ang mahimong mataptan sa rabies, apil usab ang ubang kahayupan ug mga hayop sa uma. Giklaro usab niya nga adunay mga kaso sa pagkamatay tungod sa rabies sa probinsya.
Giawhag ang mga tag-iya sa mga binuhi nga magpabakuna sa ilang mga hayop ug magpakonsulta dayon sa health center kon makasinati og pinaakan o kalmot gikan sa hayop nga posibleng adunay rabies.
