Gitinguha sa gobyerno sa Pilipinas ug UK-ASEAN Business Council ang mas lig-ong kooperasyon sa education, training ug workforce development aron maandam ang mga Pilipinong trabahante sa nag-uswag nga mga industriya ug makamugna og mas daghang kalidad nga trabaho.
Gipunting sa mga panaghisgot ang pagpakunhod sa skills gap pinaagi sa industry-aligned training sa semiconductor manufacturing, engineering, digital skills ug emerging technologies, lakip ang apprenticeships ug internships.
Gisusi usab ang posibleng panagtambayayong sa infrastructure, digitalization ug financial inclusion aron mapalig-on ang kahibalo ug kahandam sa mga Pilipino sa trabaho.
Matud sa Department of Finance, ang mas hanas nga workforce mahimong makadani og dugang pamuhunan ug makasuporta sa pagtubo sa advanced industries sa nasud.
Photo courtesy: X.COM
