Gihatagan sa Senate impeachment court og dugang panahon si Davao City Mayor Sebastian Duterte aron makompleto ug ma-authenticate ang mga rekord sa lokal nga panggamhanan nga gipangayo pinaagi sa subpoena alang sa impeachment trial sa iyang igsoon nga si Vice President Sara Duterte.
Gitugotan ni presiding officer Francis Escudero ang hangyo sa mayor nga ibalhin ang iyang pag-atubang gikan September 28 ngadto sa September 29 ug 30 aron makatigom, makareproduce ug makapanghimatuod sa gikinahanglang dokumento.
Lakip sa gipangayo ang certified ug electronic copies sa mga kontrata ug transaksyon sa Davao City government nga may kalabutan sa GenCorp Industries Inc. ug mga entity nga nag-operate og Jollibee establishments.
Gilauman nga pangutan-on sa prosecution si Mayor Duterte bahin sa maong mga transaksyon ug sa pag-authenticate sa mga rekord nga isumite ngadto sa impeachment court.
Photo courtesy: Instagram
