Gidakop sa mga sakop sa City Drug Enforcement Unit sa Digos City Police ang 46-anyos nga si alyas “HEN” atol sa anti-drug operation alas 11:51 sa gabii, niadtong nakalabay nga adlaw, sa Purok Bayahinan, Barangay San Miguel, Digos City.
Nakuha gikan sa suspetsado ang lima ka pakete sa gidudahang shabu nga adunay kinatibuk-ang gibug-aton nga 4.11 gramos ug standard drug price nga ₱27,948. Nabawi usab ang ₱1,000 nga buy-bust money, coin purse ug keypad cellphone.
Nakakustodiya na sa Digos Police Station ang suspetsado ug giandam ang kasong paglapas sa Republic Act 9165 o Comprehensive Dangerous Drugs Act of 2002.
