Gitakdang ipagawas ang ₱929,722.36 nga financial assistance gikan sa Department of the Interior and Local Government (DILG) alang sa mga former rebels nga nitugyan sa ilang mga armas ug mibalik sa matuod nga gobyerno sa Bukidnon.
Ang maong lakang gibutyag atol sa 3rd Quarter Joint Meeting sa Provincial Peace and Order Council (PPOC) ug Provincial Anti-Drug Abuse Council (PADAC) nga gipangulohan ni Governor Rogelio Neil P. Roque ug DILG Provincial Director Rhona Pedraza-Abadilla niaging Setyembre 24, 2026.
Gawas sa maong hinabang ubos sa Enhanced Comprehensive Local Integration Program (ECLIP), gitun-an ug gi-update sa konseho ang Peace and Order and Public Safety Plan (POPSP) alang sa sunod tuig 2027. Naglakip kini sa mga estratehiya batok sa illegal drugs, insurgency, road safety, ug crisis management aron mapalig-on pa ang kalinaw ug seguridad sa tibuok lalawigan.
Giaprobahan usab sa tigum ang draft Stable Internal Peace and Security (SIPS) Resolution ug gipahigayon ang Apprentice Executive Briefing alang sa mga Local Government Operations Officer II ug III aron mahatagan og bag-ong rekomendasyon ang lokal nga pamunoan.
Pinaagi niining hiniusang aksyon sa mga awtoridad ug ahensya, mas gipahugtan pa sa Bukidnon ang mga programa alang sa usa ka luwas, malinawon, ug drug-resilient nga komunidad
Photo courtesy:DILG Bukidnon
