Pormal nga gipirmahan kaganihang buntaga sa Provincial Capitol Grounds sa Misamis Oriental atol sa ika 39th Flag Raising Ceremony ang unang Interim Small-Scale Mining Contract.
Mitambong sa pagpirma sa kasabotan ang gobernador sa Misamis Oriental, mga lider sa Indigenous Peoples o IPs, ug Director sa Mines and Geosciences Bureau o MGB-10.
Tumong sa kasabotan ang pagpatuman sa hapsay, responsable ug legal nga small-scale mining activities, ilabina sa mga lugar nga sakop sa Indigenous Peoples.
Pinaagi niini, gilauman nga mapahimuslan sa mga lumad ang mga natural resources sa ilang lugar pinaagi sa responsableng pagdumala ug pagsunod sa mga balaod sa pagmina.
