Magpaabot pa ang buhatan sa Department of Labor and Employment kon DOLE Region X sa kamanduan kung mapadayon naba ang mga programa sa buhatan sama sa TUPAD Program human nga naapektuhan sa election ban labi pa nga nahidayon ang pag-oktaba sa Barangay ug Sanguniang Kabataan Elections kon BSKE.
Pagpasabot ni DOLE X Technical Director JV Vasallo, sugod Septiyembre 18 hangtud Nobiyembre 2 ning tuiga, gihunong usa ang disbursement ug payout sa sweldo sa mga benepisyaryo sa ilahang programa.
Dugang pa ni Director Vasallo, kinahanglan lang usang magpaabot sa mga benepisyaryo nga adunay kuhaunon nga sweldo samtang padayon sa pagtrabaho ang uban sa mga proyekto o trabaho nga nasugdan. Gipaniguro sab sa opisyal nga anaa ra ang pondo alang sa TUPAD Program.
Photo courtesy: DOLE Bukidnon Provincial Field Office
