Padayon pa gihapon ang pagtukod sa two-storey, six-classroom building sa Pigsag-an National High School Sa Cagayan De Oro City, sigon sa Barangay Captain sa Pigsag-an nga si Sonny Rondahan.
Sumala sa kapitan, perme niyang gimonitor ang proyekto bisan pa man nga wala pa nakahatag og klaro nga explanation ang local government unit sa Cagayan de Oro sa pagkalangay sa pagkompleto sa building.
Matud pa sa kapitan nga 2024 pa gipagawas ang notice to proceed, ug gitakda nga mahuman ang proyekto sa 2025, apan hangtod karon wala pa gihapon mahuman.
Dugang pa sa barangay official nga ang proyekto nagkantidad og halos 37 milyon pesos, busa gilauman nga matapos na kini aron magamit sa mga estudyante.
Tumong sa proyekto nga makahatag og dugang classrooms sa mga kabataan sa Pigsag-an aron nga ang mga bata dili kinahanglan pa mopadulong sa city proper aron lang makaskwela.
