Adunay pagsaka ang budget deficit sa nasudnong gobyerno apan nagpabilin sulod sa target alang sa tibuok tuig bisan pa sa pagsaka nga natala niadtong Agosto, matod sa Bureau of the Treasury (BTr).
Sa pinakaulahing taho niini bahin sa cash operations, gipadayag sa BTr nga ang budget gap miabot sa PHP161.3 bilyon, mas taas kon itandi sa PHP84.8 bilyon nga kakulangan sa miaging tuig.
Matod sa BTr, ang mas dako nga deficit mahimong ikapasangil sa mas taas nga mga galastohan niadtong Agosto tungod sa pagbayad sa mga atraso sa Philippine Health Insurance Corporation (PhilHealth), samtang mikunhod ang koleksyon sa kita tungod sa mas ubos nga kita nga dili gikan sa buhis (non-tax revenues).
Tungod sa maong datos, ang kinatibuk-ang deficit gikan sa Enero hangtod Agosto miabot sa PHP1.05 trilyon, mas taas og 21.30 porsyento kon itandi sa PHP869.2 bilyon nga budget gap nga natala sa miaging tuig.
Hinuon, gipahayag sa BTr nga ang budget deficit nagpabilin gihapon sulod sa target nga PHP1.66 trilyon alang sa tibuok tuig.
Photo courtesy: Google Play
