Gipataas sa Government Service Insurance System o GSIS ang pipila ka benepisyo ug financial assistance alang sa mga pensionado ug retiradong kawani sa gobyerno.
Lakip niini ang funeral benefit nga gipataas ngadto sa P50,000.00 gikan sa P30,000.00 pesos alang sa mga kwalipikadong miyembro ug pensionado nga namatay sugod Hulyo 13, 2026.
Gitangtang usab sa GSIS ang cohabitation requirement ug ang kanhing limitasyon sa survivorship pension, diin ang kwalipikadong surviving spouse mahimong makadawat og benepisyo nga katumbas sa 50 porsyento sa pension sa namatay. Apan, ang pagminyo pag-usab magpabiling basehan sa pagtapos sa maong benepisyo.
Gipalapdan usab ang Christmas Cash Gift alang sa kwalipikadong pro-rata pensioners, nga mokabat sa usa ka buwang pension o P10,000.00, kung asa ang mas ubos.
Ang mga pensionado sa mga lugar nga gideklarar og state of calamity mahimo usab maka-avail sa GSIS Emergency Loan. Samtang ang bag-ong Solar Energy Loan nagtugot og pahulam nga hangtod P500,000.00, payable sulod sa lima ka tuig, nga adunay 5 porsyentong interest kada tuig.
Anaa usab sa mga pensionado ang General Insurance, Motor Vehicle ug Personal Accident Insurance, ingon man housing options pinaagi sa Lease with Option to Buy.
Matud sa GSIS, ang mga serbisyo mahimong ma-access pinaagi sa digital channels ug GSIS Touch.
Photo courtesy: Philippine News Agency
