Nanawagan ang foreign ministers sa Group of Seven (G7) sa Iran nga undangon na niini ang paghatag og armas ug suporta sa militanteng grupong Houthis sa Yemen. Ang panawagan gipagawas human sa ilang tigom sa sidelines sa United Nations General Assembly.
Ang G7 nga gilangkuban sa Britain, Canada, France, Germany, Italy, Japan ug United States, mikondena sa mga pag-atake sa Houthis sa Yemen ug Saudi Arabia. Gihangyo usab sa G7 ang Houthis nga hunongon dayon ang ilang mga aksyong militar, hulga ug pag-atake sa mga sibilyan, ug mobalik sa proseso sa negosasyong politikal.
Ang Houthis usa sa mga grupong giingong gisuportahan sa Iran sa Middle East, isip kabahin sa estratehiya niini nga gitawag og “forward defense” ug sa mas lapad nga Axis of Resistance.
Matud sa report, bag-o lang usab nga miatake ang Houthis sa Yemen ug Saudi Arabia, nga misangpot sa pagkaguba sa upat ka tuig nga tig-‘ceasefire’ ug nakapadugang sa tensiyon sa rehiyon.
Photo courtesy:UPI
