Kapin sa 11 ka tawo, lakip ang pipila ka mga estudyante, ang naangol human gipamusil sa usa ka 15-anyos nga estudyante sa gawas sa usa ka high school sa distrito sa Turgutlu, Manisa province, Turkey.
Sa kasamtangan, tulo sa mga biktima ang anaa sa kritikal nga kondisyon sulod sa intensive care unit, habang usa na ang nakagawas sa ospital. Ang suspek, nga nasakpan sa CCTV nga miabot ug milakaw nga nagdala og armas, matud pa ni Education Minister Mustafa Ciftci, nakuha ra ang maong armas gikan sa balay sa iyang apohan.
Padayon pa ang gihimong imbestigasyon sa mga awtoridad bahin sa motibo sa maong krimen, lakip na ang pagsubay sa alegasyon nga posibleng nakasinati og bullying ang suspek. Samtang gihuptan na sa kustodiya sa pulisya ang mga ginikanan ug apohan sa suspek alang sa imbestigasyon.
Ang maong trahedya mao na ang ika-tulong insidente sa pagpamusil sulod o palibot sa mga eskwelahan sa Turkey karong tuiga, pagkahuman sa duha ka susamang insidente niadtong Abril nga nagbilin usab og samdan ug namatay nga mga estudyante ug magtutudlo
Photo courtesy: The Korean Times
