Nag-andam na ang administrasyon ni Pesidenti Ferdinand R. Marcos Jr. ang paglunsad og bag-ong fuel assistance ubos sa Unified Package for Livelihoods, Industry, Food, and Transport (UPLIFT) aron matabangan ang publiko sa pagsaka sa presyo sa lana, human miabot sa $100 kada bariles ang benchmark Brent oil niadtong Setyembre 9 tungod sa tensyon tali sa US ug Iran.
Gipatin-aw ni Agriculture Assistant Secretary Arnel de Mesa nga pangunang makapahimulos sa maong programa mao ang mga mag-uuma ug mananagat aron maubsan ang ilang gastos sa krudo alang sa combine harvesters ug mga sakayang de-motor. Dugang pa ni De Mesa, gitun-an usab sa gobyerno ang pagpabalik sa libreng toll fee nga nagkantidad hangtod ₱150 milyon alang sa mga sakyanan nga nagdala og produktong agrikultural gikan Luzon paingon sa Metro Manila.
Sa laing bahin, gipadayag ni Transportation Secretary Giovanni Lopez nga padayon ang Department of Transportation (DOTr) sa pagpangita og mga pamaagi aron maubsan ang epekto sa oil price hike sa sektor sa pampublikong transportasyon ug sa mga pasahero.
Photo courtesy: PNA
