Nasakote sa gilusad nga law enforcement operation sa kapulisan ang lalaking wanted sa kasong Qualified Theft niadtong milabayng adlaw sa Brgy. Antipolo, Dapitan City, Zamboanga del Norte.
Giila ang dinakpan nga si alyas Ger, 28 anyos, ulitawo ug residente sa nasangpit nga dapit. Gisikop ang akusado pinasikad sa warrant of arrest sa nasangpit nga kaso nga gipagula ni Presiding Judge Cherry Joy Carloto Concha – Ageas of Branch 10, 9th Judicial Region, Dipolog City, Zamboanga del Norte, pinetsahan ug Septyembre 21, 2026.
Mokabat sa Php24,000.00 ang girekomendar nga pyansa sa korte ngadto sa akusado. Balhog sa Dapitan City Police Station ang dinakpan alang sa tukmang disposisyon.
Photo Courtesy: Dapitan CPS
