Mobisita sa Pilipinas ang Pickleball World No. 1 nga si Anna Leigh Waters, karong Oktubre para sa Franklin Asia Pickleball Showcase.
Gipili ang Pilipinas isip unang destinasyon para sa global showcase sa wala pa kini i-promote sa ubang mga nasod sa Asya sama sa Malaysia, Hong Kong, ug Vietnam.
Gipahibalo sa mga organizer nga ang nasod karon nagtala sa pinakapaspas nga pagtubo sa natad sa pickleball sa kalibutan human nakarehistro og impresibong 1,213% nga year-over-year growth rate.
Tungod sa paspas nga pagsaka sa gidaghanon sa mga magdudula ug mga mahiligon sa sports, gibutang nila ang Pilipinas sa taas sa ilang mga prayoridad para sa ilang global nga pagpalapad.
Ang pagbisita ug pasundayag sa world number one nga magdudula sa umaabot nga bulan gilauman nga makahatag og dakong inspirasyon sa mga lokal nga atletang Pilipino.
Photo courtesy: Forbes
