Gipakunhod sa Asian Development Bank (ADB) ang forecast sa pag-uswag sa ekonomiya sa Pilipinas alang sa 2026 ngadto sa 3.3 porsyento gikan sa unang banabana nga 3.8 porsyento.
Sa Asian Development Outlook report nga gipatik niadtong Miyerkules, gipaubos usab sa ADB ang growth projection sa nasod alang sa 2027 ngadto sa 5.1 porsyento, gikan sa miaging 5.3 porsyento.
Matud ni ADB Philippines Country Director Andrew Jeffries, gibati gihapon sa ekonomiya ang epekto sa nagpadayong panagbangi sa Middle East ug mga climate-related shocks. Bisan pa niini, gilauman ang pag-uswag sa kalihokan sa industriya sa sunod tuig.
Gihingusgan ni Jeffries ang importansiya sa tukmang paggasto sa gobyerno alang sa mga giplanong pamuhunan, ilabina sa social sector ug critical infrastructure projects, aron maatubang ang mga hagit sa ekonomiya.
Photo courtesy: VOA
