Gihimo sa Amerikanong piloto nga si Benjamin McDaniel, nga nailhan usab isip “The Pilot Picasso,” ang talagsaong bersiyon sa Mona Lisa pinaagi sa iyang flight path ibabaw sa Oklahoma ug Arkansas sa Estados Unidos.
Migikan ang iyang Cessna R182 Skylane RG gikan sa Bentonville, Arkansas, niadtong Septyembre 18, 2026 ug milupad sulod sa hapit upat ka oras aron masunod ang giplanong ruta. Gitrace sa eroplano ang mga linya sa usa ka komplikadong ruta nga sa flight-tracking map nahimong hulagway nga susama kang Mona Lisa ni Leonardo da Vinci.
Nakuha sa AirNav Radar ang 3D visualization sa flight path diin hinay-hinay nga naporma ang nawong ug mga detalye ni Mona Lisa samtang nagpadayon ang biyahe sa eroplano.
Nakakuha sa dakong atensyon online ang talagsaong artwork tungod sa kapin 73,000 ka indibidwal ang misubay sa flight path samtang gihimo ang digital nga drawing gamit ang eroplano ug GPS tracking.
Photo courtesy: BreezyScroll
