Subling nalandig sa tambalanan ang sikat nga American singer nga si Lionel Richie, tungod sa nasinating iregular nga pagpitik sa iyang kasingkasing o atrial fibrillation.
Matud sa mga doktor nga nag-atiman sa singer, di maisip kini nga major procedure ug nakahatag lamang kini’g gamay nga samad sa kasingkasing aron mababagan ang faulty electrical signal gikan sa kasingkasing.
Gumikan sa maong hitabo, nakanselar ang gikatakda na unta nga show sa singer sa San Francisco, Chicago ug Columbus, Ohio, diin ikauban unta ni Lionel sa maong show ang grupong Earth, Wind & Fire.
Segon sa nasayran, kini ang ikatulong higayon nga gidala sa tambalanan ang singer.
Photo courtesy: Biography
