Miingon si Finance Secretary Frederick Go nga iyang gipirmahan ang resolusyon alang sa pagsuspinde sa excise tax sa liquefied petroleum gas o LPG ug kerosene.
Gipahibalo kini ni Go atol sa budget hearing sa Department of Finance sa Senado, human nanawagan usab si Senator Bong Go nga suspindihon ang excise tax sa mga produktong petrolyo tungod sa nagpadayong panagbangi sa Middle East.
Matud ni Frederick Go, dili hilig ang Department of Finance sa pagsuspinde sa excise tax sa diesel ug gasolina tungod sa dako nga epekto niini sa kita sa gobyerno, nga gibanabana nga mokabat sa 12 bilyong pesos kada bulan.
Sa baylo, magpadayon ang gobyerno sa paghatag og tukmang subsidyo aron matabangan ang mga konsumidor sa epekto sa pagsaka sa presyo sa petrolyo.
Ang pagsuspinde sa excise tax sa LPG ug kerosene kaniadto gibawi niadtong Hulyo human mikunhod ubos sa 80 dolyar kada baril ang average nga presyo sa Dubai crude oil niadtong Hunyo.
Photo courtesy: Philippine News Agency
