Gin-usisa sang kapulisan sa Esperanza, Sultan Kudarat ang viral nga video nga nagapakita sang pipila ka persona nga nagadala sang daw armas.
Tatlo ka persona ang nakilala sang mga awtoridad kag gindala sa Esperanza Municipal Police Station para sa imbestigasyon. Duha sa ila mga menor de edad kag mga estudyante sang Esperanza National High School ukon ENHS samtang ang isa yara sa legal ang edad.
Suno sa inisyal nga imbestigasyon, ang video ginkuha pa sang Hulyo 11, 2026 sa isa ka birthday gathering sa Barangay Villamor kag wala koneksyon sa mga bag-o nga insidente sang pagpamusil.
Padayon naman nga ginapangita sang kapulisan si alyas “Mikeng” kag ang armas nga makita sa video. Giya sang pulisya sa publiko nga magsalig lamang sa beripikado nga impormasyon.
Photo courtesy: PNP Police Regional Office 12
