Balhog na sa prisohan ang usa ka lalaki nga gikonsiderang Street Level Individual human nadakpan sa mga kapulisan atol sa gilusad nga buy bust operation didto sa Purok UN, Old LTO, Barangay Central, Mati City pasado alas 6:03 sa gabie, niadtong nakalabay nga adlaw.
Ang dinakpan naila lamang sa alyas nga JB ug nakuha gikan sa iyang posisyon ang gibana-banang kapin Php 1,904.00 nga kantidad sa gituohang shabu. Human sa pagdakop gipahibalo ang suspek sa iyang mga katungod pinaagi sa pinulongan nga iyang nasabtan ug nahibal-an.
Giimbentaryo ug gimarkahan dayon sa lugar sa nahitaboan ang mga nasakmit nga ebidensya uban sa suspetsado ug sa mga testigo. Ang operasyon gihimo sa mga otoridad uban sa mga personahe sa Mati City Police Station ug uban pang law enforcement agency.
Sa pagkakaron ang dinakpan anaa na sa kustodiya sa kapulisan alang sa hustong disposisyon ug mag atubang sa kasong paglapas sa RA 9165 kun Comprehensive Dangerous Drugs Act of 2002.
Photo courtesy: Mati CPS
