Nakapahigayon ang Juander Radyo News Team sa Orientation kabahin sa Juander Radyo Loyalista Incorporated didto sa P-2 Barangay Basak Nabunturan Davao De Oro sa may alas 2:00 ang takna sa hapon September 22, 2026.
Mapasalamaton ang Team nga pinaagi ni Coordinator Teodoro Gallido nga maoy nagpahibalo bahin sa meeting sa mga senior mao nga nakaset-in ang News Team sa maong panagtigom aron mapasabot kanila ang katuyuan sa grupo.
Daghang salamat mga kajuander sa inyong pagpaminaw sa gipahigayon nga Orientation.
Kahibaloan nga ang Juander Radyo Loyalista Incorporated usa ka organisasyon sa pagtinabangay diin ang mga myembro motabang pinaagi sa .10 centavos matag higayon nga adunay mamatay nga myembro sa Juander Radyo Loyalista Incorporated Davao De Oro Chapter.
Busa padayon ang Team sa pag-awhag sa mga gustong moapil niini nga grupo nga mangita kamo og Coordinator sa inyong Barangay aron magpalista, dayon makasugod na kamo sa pagtabang sa pamilya sa nawad-an sa minahal sa kinabuhi pinaagi sa tag P.10 centavos nga hatagon kada usa ka patay.
Kinsa man kadtong gusto magpa-orient sa inyong lugar nga motawag lang sa 0917- 112- 6993 o magpadala ug mensahe sa Juander Radyo Nabunturan 88.5 FM Facebook Page. Alang sa mga gustong mobisita sa estasyonan aron magpaschedule sa orientation anhi lang sa Purok 8 Poblacion Nabunturan Davao De Oro.
