Patay ang usa ka lalaki nga giila sa pangalan nga Victor Laso, minyo, human kini gipusil samtang natulog sulod sa iyang balay didto sa Sitio Santol, Barangay Puting Bato, Isabel, Leyte.
Sumala sa inisyal nga imbestigasyon sa mga otoridad, usa ka wala pa mailhi nga lalaki ang misulod sa balay sa biktima ug kalit kini nga gipusil samtang natulog. Human sa pagpamusil, paspas nga mikalagiw ang suspetsado sa wala matino nga direksyon. Nasayran nga bag-o lang nakagawas sa presohan ang maong biktima.
Padayon usab an gimbestigasyon sa mga otoridad aron matino ang motibo sa krimen ug mailhan ang responsable sa pagpamusil. Padayon usab ang hot pursuit operation sa kapulisan aron madakpan ang suspetsado.
