Mipasalig ang Regional Civil Security Unit (RCSU) 9 nga dali nilang ma-verify ang pagkatawo ug legal nga status sa armas nga gigamit sa usa ka krimen, ilabina kung kini rehistrado sa ilang opisina.
Sa interview sa Juander Radyo Pagadian kang RCSU-9 Assistant Chief Martin M. Baclayo, iyang giingon nga pinaagi sa serial number sa armas, mas dali nilang masubay kung kinsa ang rehistradong tag-iya niini.
Dugang pa ni PLTCOL Baclayo, usa sa ilang dagkong hagit ang mga loose firearm o mga armas nga walay rehistro ug walay hustong dokumento. Matud niya, mas lisod kini ma-trace tungod kay wala kini sa opisyal nga database sa mga rehistradong armas.
Gipasiugda sa RCSU-9 ang importansya sa hustong pagparehistro sa armas ug pagkuha sa gikinahanglang lisensya aron mas dali kining ma-trace ug ma-verify kung magamit man sa usa ka krimen.
