Gihinganlan sa Global Witness ang Pilipinas isip pinakadelikado nga nasud sa Asya para sa mga environmental defender sa ika-13 ka sunod-sunod nga tuig. Sumala sa report sa grupo niadtong 2025, 12 ka mga environmental defender ang namatay sa Pilipinas sa miaging tuig, pareho sa Honduras ug labing taas gawas sa Latin America, diin apil sa mga namatay ang unom ka Indigenous Peoples, tulo ka small-scale farmers, usa ka mamamahayag, ug duha ka laing indibidwal.
Sa tibuok kalibutan, 124 ka land and environmental defenders ang natala nga namatay niadtong 2025, diin kapin sa tulo ka quarter sa mga biktima kay mga small-scale farmers, Indigenous Peoples, o Afro-descendant Peoples. Giingon sa Global Witness nga lima sa 12 ka kaso sa Pilipinas ang gisuspetsahang adunay kalabotan sa armed forces, ug gihisgutan usab nila ang nagpadayon nga criminalization, intimidation, ug red-tagging batok sa mga defender sa Asya.
Samtang, gibutyag ni Joan Carling, ang executive director sa Indigenous Peoples’ Rights International, nga gipangkonektar niya ang mga pagpatay ngadto sa mga counter-insurgency program sa gobyerno ug mga extractive project. Gikan sa 2012 hangtod 2025, anaa sa 318 ka pagpatay ug pagkawala sa mga environmental defender ang natala dinhi sa Pilipinas base sa datos sa Global Witness.
Photo courtesy: edays
